LB0856
1. God doe brogst mie weer in t zicht!
Laank lag ik ja zaik op bère,
deur joen kracht bin ik nait zwicht,
leef mien leven tot joen ere.
toukomtst mag weer verder goan:
dankboar kom ik veur joe stoan.
2, Doe gingst mit, Doe gafst mie moud,
zulfs dou in de slimste nachten,
in de woeste wottervloud,
ik mien ondergang verwachtte, .
Dij het stille schraaiven heurt,
druig ook mie et duuster deur.
3. As de nacht din toch verswindt
en et haile laand weer licht is,
as de zun de hemel vindt
dij van vogelstemmen vol is,
klinkt deur haile wereld hin,
Zingen mag: zo mooi ik kin.
4. Hou de nacht ook draaigt en dringt,
mörgensteern, ik zai Die doagen!
Want zo laank de schepping zingt,
wor ik op dij klanken droagen.
Woar mien leven nij begon,
kin ik Joe as levensbron.
Janka Rubinh, Tonko Ufkes
