LB0791
1. Liefde, éénmoal haardop sproken
as dien woord, de eerste keer,
liefde, mag ons overkommen:
heil en zegen, hieltied weer.
2. Liefde, woord dat het ons schoapen,
vonk van vuur woar God met roakt,
alles overwinnend woapen,
leste woord dat vrede moakt.
3. Liefde, hoogste noam van noamen,
met die noam kennen we dij.
Liefde vragt om ja en pamen,
ziel en zinnen, allebei.
4. Liefde duurt humzult te geven,
oademt op van goeie traauw.
Liefde holdt ons ien het leven, -
zo hesstoe ons mensen baauwd.
5. Liefde let hum voluut schenken
as de allerbeste wien.
Liefde blift het feest herdenken
woar wij dij as gastheer zien.
6. Liefde boven alle liefde
die hum as de hemel bolt
over ons: kom, moak ons beter,
bron van liefde, ons behold.
Tonko Ufkes/Janka Rubingh