|
|
21 juni 2017
Brannende Laifde
Brannende Laifde is n mooi roodbluiende bloum, dij ien t Grunnegers Konstantinobel nuimd wordt. Messchain hait bloum zo omreden Constantinopel is de poort noar t Oriënt, t contraain doar tulp van vrouger heer komt, latakia-tabak en aal zuks wat. Mor bloum kin ook wel Konstantinobel haiten omdat synode doar ien 381 bie nkander kwam en tekst van geloogfsbeliedenis van Nicea vastelde. Ien t Nederlands is Letienze noam van bloum: Lychnis Chalcedonica. Doar heur je stad Chalcedon ien, doar synode ien 451 vergoaderde om geloofsbeliedenis van Nicea-Constantinopel definief vast te stellen -mit n klaine oetbraaiden. Konstantinobel dij nou ons bloumtoen siert, wer hier eertieds deur monneken teeld ien heur kruudhof. Dou bloum op haimsteën boeten t klooster belandde, hil e zien mooie noam.
|