Links Inloggen
Naar begin van de pagina
Home


[Vorige bericht 02-03-2019: Rooske van Soaroa]


22 april 2019

Piemeltjepoask

Poaskedoagen, dat was t nou zundag en moandag. Ankom week zundag is t Lutje Poask (ien t Nederlands hait dij dag Beloken Pasen). En zundag dij din komt, is Piemeltjepoask. Omreden t woord piemel is oet t Nederlands aalgemain ienbörgerd as aanduden veur t manlek lid, klinkt Piemeltjepoask nou wat guteg. Ien t Grunnegers is n piemeltje n hail luk beetje van t ain of t aander, van brood of kees enzo. t Hoogfeest van Poask duurt twij doagen, zundag en moandag. Noar Jeuds gebruuk is t n week loater nog weer Poask. En iien t Grunnegerlaand is t vattien doag noa t hoogfeest nog n hail luk beetje Poask, Piemeltjepoask
Bie Poask heurt aaier eten en soavends noa t eten aaier-verlopen. Op Eerste Poaskedag eet je zoveul as je op kinnen, op Lutje Poask krieg je n tougemeten aantal. En op Piemeltjepoask twij. Ain meer as aans.
Traauwens wel nijsgiereg is noar t Grunneger woord veur t manlek geslachtsdail, kin terecht ien Biebel, I Keunenks 12:10 Jongkeerls dij mit Rehabeam opgruid wazzen, zeden tegen hom: 'Dit mout ie zeggen tegen t volk dat tegen joe zee: 'Joen voader het ons n swoar juk oplegd, geef ie ons verlichten'. Zeg mor: 'Mien pink is dikker as mien voaders kruul'.


Geef uw reactie

Voornaam:
Achternaam:
E-mailadres:
Opmerking

Terug
Bookmark and Share Rijksweg West 83, 9608 PB Westerbroek Email ANBI Facebook