Kinderbiebel is kloar

'In t begun is ter niks. Gain lucht. Gain wotter. Gain mensken.
Allain God is ter. En God moakt de eerde.
Eerde is duuster. God zegt: "Der mout licht kommen!"
en inains is t licht.
t Licht glinstert en is helder. "Dat is mooi!" zegt God tegen zukzulm.
God zegt tegen t licht "dag" en tegen t duuster zegt e: "naacht".'

Zo begunt Kinderbiebel.
Joa, want hai is kloar. 
Doar wie n tiedje mit ien schrip west hemmen, het nou zien beslag kregen.
De prachtege kinderbiebel mit ploaten van Marijke ten Cate is der nou ook ien t Grunnegers. 
t Is n mooi prentebouk worden van mor laifst 280 bladzieden, mit korde teksten en ploaten over t haile blad. Boetendes zitten der twij spaigelploatjes bie doar tekst van t bouk veurlezen wordt, dat kinder kinnen t zulf ook nog oflustern. 
n Hail mooi kedo veur joen kinder, bie deup of opdroagen, en veur pa's en moeke's of veur opa's en oma's dij heur (klaain)kinder geern veurlezen.

Vrijdag 12 oktober wordt Kinderbiebel oetlangd bie Boukhandel Riemer, Nij Ebbenstroat 1, ien Stad. Vertoalers binnen doar en Marijke ten Cate is ter zulf ook bie. Oavend begunt om 20.00 uur, mor ie kinnen der al terecht om 19.30 uur veur n hapke en n drankje.
Ie maggen der bie wezen - geern alderdeegs! En as ie t dij oavend nait wachten kinnen, kin ie t bouk loater ien winkel bewondern.
Kinderbiebel is allenneg te kriegen bie Boukhandel Riemer (tel.050 3134041; www.boek-handelriemer.nl; mailadres: boekhandel@riemer.nl). Hai kost € 34,95. Tot 31 december nog € 5,00 veurdail.

Meer informoatsie kijk op www.kinderbiebel.nl

Oetgeverij Jongbloed
Liudgerstichten
Boukhandel Riemer

Terug