Sefanja 2

Haaidense volken om Judoa tou goan der ook aan:
Filistijnen.

⁴ Ie kinnen der van op aan:
Gaza wordt n doodse stad,
Askelon n röddeklooster,
t volk van Asdod wordt op kloarlichten dag tou stad oet jagd,
Ekron wordt n stad zunder volk.
⁵ O waai, ie dij doar wonen in kontraain bie zee,
ie volk dat oet Kretoa komt!
De Heer sprekt zien oordail over joe oet,
Kanan, Filistijnen heur laand:
"Ie zellen nog te ondeeg kommen,
der zel gainain van joe overblieven.
⁶ Joen laand,
doar zellen ze allenneg nog schoapen in lopen loaten
en hokken veur schoapen op zetten."
⁷ Dij kontraainen van joe doar bie zee
zellen wezen veur wel der nog over binnen van t volk van Judoa. ¹⁰
Over heur zegt de Heer:
"Zai zellen heur schoapen doar lopen loaten
en soavends in hoezen van Askelon op bèr goan."
t Muit de Heer ja van heur
en Hai zel n omkeer brengen in heur löt.