Sefanja 2

Egypte en Assyrie

¹² "Egyptenoaren,
ook ie zellen doodstoken worden mit mien sweerd."
¹³ De Heer zel ook op Assyriërs inhaauwen,
doar in t noorden,
en heur vernailen.
Van Ninevé moakt Hai n puunbult,
n woestijn zunder ain drup wotter. ¹²
¹⁴ Doar zellen koppels vij zok deelleggen
en allerhand wild gedaaierte.
Veldoelen en katoelen zellen bie naacht touholden
op Ninevé zien zoelen
en zitten te roupen in stokkende vìnsters.
t Is ain en aal revoazie,
van zien pelaaizen is t cederholt ofreten. ¹³
¹⁵ Dat is nou dij oetgeloaten stad,
dij in woan was:
Ons kin niks gebeuren!
en dij dochde:
Ik bin t, en aans gainent!
Wat is t n puunbult worden,
n hool van wilde daaier.
Elk dij der bie laans komt
zel knivveln en kop schudden.