Sefanja 2

Leste woarschaauwen

¹ Ie volk zunder schoamte,
goa noar tempel en roup t volk bie nkander, ⁸
² eer de Heer dut wat Hai in t zin het
- dij dag kin elk ogenblik kommen! -
eer zien glìnne kwoadhaid veurgoud over joe komt.
³ Moak dat ie bie de Heer kommen
- Hai dut wat of Hai onnaaierd het! -
en wees rechtveerdeg en nederg. ⁹
t Kin wezen dat ie nog verschoel vinden
op dij dag van zien kwoadhaid.