Dood van Elimelek en zien zeuns
1 t Vuil veur in tied van richters dat ter ais hongersnood in t laand was. Dou ging n man oet Betlehem in Judoa as boetenlander in kontraainen van Moäb wonen, hai, zien vraauw en zien baaide zeuns. 2 Dij man haitte Elimelek, zien vraauw Noömi en zien baaide jonges haitten Machlon en Kiljon; t wazzen lu oet Efrata, oet Betlehem in Judoa. Aanland in kontraainen van Moäb bleven ze doar. 3 Dou sturf Elimelek, Noömi heur man, en zai bleef achter mit heur baaide zeuns. 4 Dij traauwden mit Moäbitische vraauwen; de aine haitte Orpa en de aandere Ruth. Zai bleven doar om en bie tien joar. 5 En dij twij -Machlon en Kiljon- sturven ook. En zo bleef dij vraauw achter, zunder heur man en heur baaide kinder.
 |
© 2001 Liudgerstichten. All rights reserved. |
Ruth 1