Rechters 3

Otniël

⁷ Izrelieten deden nait wat of de HEER geern wol. Ze vergaten de HEER, heur God, en vereerden de Baäls en de Asjera's. ⁸ De HEER wer hoagels op Izrelieten en speulde ze in handen van Kusan-Risataïm, keunenk van Aram-Naharaïm. Aacht joar zatten ze onder hom. ⁹ Dou raipen Izrelieten de HEER om hulp en de HEER stuurde ain om heur te bevrijden. Dat was Otniël, ⁴ n zeun van Kaleb zien jongere bruier Kenaz. ¹⁰ Gaist van de HEER was op hom, dat hai wer rechter in Izrel. Hai ging oorlog voeren en de HEER speulde hom Kusan-Risataïm van Aram in handen: hai kreeg hom der dik onder. ¹¹ Vatteg joar haar t laand vree. Dou kwam Otniël, Kenaz zien zeun, oet tied.