Rechters 12

Ibsan, Elon en Abdon

⁸ Noa Jefta bestuurde Ibsan oet Betlehem t laand. ⁹ Man haar datteg jonges. Zien datteg dochters gaf e as vraauw aan lu boeten zien aigen femilie en ook veur zien zeuns koos e datteg vraauwlu oet van boeten aigen volk. Zeuven joar bestuurde hai Izrel. ¹⁰ Dou kwam e oet tied en wer begroaven in Betlehem.
¹¹ Noa hom bestuurde Elon t laand. Hai was van stam Zebulon. Tien joar bestuurde hai Izrel. ¹² Dou kwam e oet tied en wer begroaven in Ajjalon in Zebulon.
¹³ Noa hom bestuurde Abdon, Hillels zeun oet Piraton, t laand. ¹⁴ Hai haar vatteg zeuns en datteg klaainzeuns, dij elk op n ezelhengst reden. Aacht joar bestuurde hai Izrel. ¹⁵ Dou kwam Abdon, Hillels zeun oet Piraton, oet tied. Ze hebben hom begroaven in Piraton in Efraïm, in t baarglaand dat ooit ais van Amalekieten west het.