Rechters 10

Tola en Jaïr

¹ Noa Abimélek kwam Tola, n man oet stam Issakar, om Izrel te bevrijden. Hai was ter ain van Pua, n noazoat van Dodo. Wonen dee e in Samir, in t baarglaand van Efraïm. ² Drijentwinneg joar bestuurde hai t laand. Dou kwam e oet tied en wer in Samir begroaven. ³ Noa hom kwam Jaïr oet Gilead. Dij bestuurde t laand Izrel twijentwinneg joar. ⁴ Man haar datteg zeuns. Ale datteg reden ze op n ezelhengst ²⁵ en elk was boas over n dörp. Tot aan vandoag tou worden dizze dörpen nog aaltied "Jaïrs Dörpen" nuimd. Ze liggen in Gilead. ⁵ Noa zien dood wer Jaïr begroaven in Kamon.