Rechters 1

Izrelieten goan in Kanan wonen

¹ Noa Jozua zien dood gingen Izrelieten bie de HEER te roade: "Wèl van ons mout t eerst lös tegen Kananieten om heur te bevechten?" ² De HEER onnaaierde: "Dat mout Judoa mor doun. Dij geef Ik t laand in handen." ³ Dou zeden Judeeërs tegen stam van heur bruier Simeon: "Ruk mit ons op noar streek dij ons toupaart is. En loat we mit nkander tegen Kananieten vechten. Den goan wie mit die noar t gebied dat die toupaart is." En Simeon ging mit heur mit. ⁴ Judoa rukte op en de HEER gaf heur Kananieten en Perizzieten in handen. Bie Bezek brochten ze tiendoezend man om. ⁵ In Bezek kregen ze t mit Adonibezek te doun. Ze nammen t tegen hom op en bezörgden Kananieten en Perizzieten n dikke neerloag. ⁶ Adonibezek trok aan hakken. Zai der achter aan en ze kregen hom te pakken! Ze kapten hom zien doemen en dikke tonen òf. ⁷ Adonibezek raip: "Bie wel seuventeg keunenks heb ik doemen en dikke tonen ofkapt. Zai kraabten krommels onder mien toavel bie nkander. Wat ik mit heur doan heb, dut God nou mit mie!" Hai wer noar Jeruzelem brocht en doar kwam e oet tied.
⁸ Judeeërs deden n aanval op Jeruzelem en nammen stad in. Ale lu dij der woonden, muiken ze dood en stad stoken ze in braand. ⁹ Dou trokken ze wieder om te vechten tegen Kananieten dij in t baarglaand woonden, in woestijn en op vlakte. ¹⁰ Ze rukten op tegen Kananieten in Hebron. Dat haitte dou nog Kirjat-Arba. Doar werden ze boas over Sesai, Achiman en Talmai.
¹¹ Doarvandoan trokken ze op Debir òf, doudestieds nog Kirjat-Sefer. ¹² Dou beloofde Kaleb: "Wèl of Kirjat-Sefer n neerloag bezörgt en verovert, dij geef ik mien dochter Aksa as vraauw." ¹³ Otniël, ain van Kalebs jongere bruier Kenaz, nam stad in, en kreeg Aksa as vraauw. ¹⁴ Dou zai kwam, porde zai hom aan, hai zol heur pa vroagen om n stok baauwlaand. Zai luit zok van heur ezel ofglieden en Kaleb vruig: "Wat is ter, wicht?" ¹⁵ "Dou mie toch wat gouds, pa!", zee ze. "Pa het mie dit dreuge woestijnlaand geven, mor geef mie den ook wèllen." Dou gaf Kaleb heur wotterwèllen; paardie lagen hoog, aandern in leegte. ¹⁶ Mit Judeeërs in man, wazzen Kenieten, noazoaten van Mozes zien schoonvoader, ook optrokken oet Paalmstad ² vandoan noar woestijn van Judoa tou, bie Arad. Doar streken ze deel en gingen maank dat volk doar wonen.
¹⁷ Stam van Simeon en Judeeërs kregen vervolgens mit nkander Kananieten in Sefat der onder. Ze verinnewaaierden stad en deden hom in de ban. Vanof dij tied hait dij stad Chorma, "In de ban". ¹⁸ Judeeërs nammen Gaza, Askelon en Ekron ook in, mit t haile gebied der omtou derbie. ¹⁹ De HEER was mit Judoa. Zo wer dij boas over t baarglaand. Mor bewoners van leegvlakte vot te joagen, dat kreeg e nait veurnkander. Dij haren ja iesdern striedwoagens. ²⁰ Zo as Mozes onnaaierd haar, wer Hebron aan Kaleb geven. Dij zette Enak zien drij zeuns tou stad oet.
²¹ Mor Jebuzieten kregen ze nait tou Jeruzelem oet, van dij gevolgen dat ze wonen nog aaltied bie nkander mit Benjaminieten in Jeruzelem.
²² Ook Jozef zien noazoaten rukten op, noar Betèl, en de HEER was ter zulm mit bie. ²³ Ze stuurden verkenners noar Betèl. Eertieds haitte dij stad Luz. ²⁴ Dou verkenners n man aankommen zaggen tou stad oet, zeden ze tegen hom: "Astoe ons zain letst hou of wie in stad kommen kinnen, zel we t goud mit die moaken!" ²⁵ Man stokte heur oet hou of ze in stad kommen konden. Ale lu dij der woonden muiken ze dood, mor man mit aal zien volk, luiten ze lopen. ²⁶ Dij trok noar t laand van Hethieten. Doar baauwde hai n stad, dij hai Luz nuimde. Hai hait nog aaltied zo.
²⁷ Stam van Manasse kon nait boas worden over Bet-Sean en Taänak en dörpen der omtou. Zai wazzen nait bie machte inwoners van Dor, Jibleam en Megiddo en dörpen der omtou, vot te joagen. Kananieten kregen t kloar in dat laand wonen te blieven. ²⁸ Dou Izrelieten staarker werden, dwongen ze Kananieten pachtersdainst veur heur te doun, mor votjoagen - nee, dat deden ze heur nait.
²⁹ Stam van Efraïm het lu van Gezer nait verdreven. Kananieten bleven doar middenmaank heur wonen - in Gezer. ³⁰ Stam van Zebulon het lu van Kitron en Nahalol nait verdreven. Kananieten bleven middenmaank heur wonen en werden prest pachtersdainst veur heur te doun.
³¹ Stam van Aser het lu van Akko en Sidon nait verdreven en netzomin Achlab, Achzib, Chelba, Afik en Rechob. ³² Aserieten gingen middenmaank Kananieten wonen dij doar tou huilen en verdreven ze nait.
³³ Stam van Naftali het lu van Bet-Semes en Bet-Anat nait verdreven. Zai gingen middenmaank Kananieten wonen dij der touhuilen en presten ze pachtersdainst veur heur te kloaren.
³⁴ Stam van Dan wer deur Amorieten weerom jagd in baargen. Ze kregen gain kaans omdeel te kommen noar leegte. ³⁵ Amorieten konden in Har-Cheres, Ajjalon en Saälbim wonen blieven. Mor dou noazoaten van Jozef staarker werden, presten dij heur pachtersdainst veur heur te doun. ³⁶ Gerechteghaid van Amorieten laip van Schorpiounpas òf, aan Seba tou en nog wieder.

2

¹ Engel van de HEER ging van Gilgal noar Bokim tou. Hai zee: "Ik heb joe oet Egypte hoald en noar t laand tou brocht dat Ik joen veurolden onder aid touzegd haar. En Ik zee derbie: Nooit of te nimmer zel Ik mien verbond mit joe verbreken! ² Ie, van joen kaant, moggen gain verbond aangoan mit lu dij in dit laand wonen en heur altoars mos ie omdeel hoalen. Mor ie hebben nait lusterd noar wat of Ik tegen joe zegd heb. Woarom heb ie dat ainlieks doan? ³ Doarom verzeker Ik joe: Ik zel lu dij in dit laand wonen, nait veur joe votjoagen. Zai zellen joe vangen in heur struup en heur goden: n vaalstrik zellen ze veur joe wezen." ⁴ Dou Engel van de HEER dit altmoal tegen Izrelieten zegd haar, begunden ze te jammern en te jeuzeln. ⁵ Dat zodounde nuimden ze dat stee Bokim, "Jeuzelstee". Doar brochten ze de HEER ovvers.