Predeker 11

Denk aan dien Schepper ...

⁷ Licht dut n mìnsk goud en t is aangenoam veur d' ogen om zun te zain. ⁸ Hou laank of ain ook leeft, loat e toch wies wezen mit elke dag, mor loat e zok bedenken, dat ter genog duustere doagen kommen. Aal wat ter nog komt, is ja loos en leeg. ⁹ Wees wies, jongkerel, mit dien jonge joaren, wees blied mit tied dastoe jonk bist. Dou wat dien haart die ingeft en wat die mooi touliekt, ast ter mor om denkst, dat God die der rekenschop over vroagen zel. ¹⁰ Zet dien zörgen oet zied; woar dien liggoam veur kwoalen. Want kindertied en mörgentied binnen zo mor veurbie.