Predeker 10

Twij soorten keunenks

¹⁶ 0 wai, as keunenk van n laand nog mor n kind is en zien ministers smörgens al op tied zitten te dikdakken. ¹⁷ Mor gelokkeg is t laand dij zien keunenk n hoogstoand man is en woar ministers zok holden aan etenstied en zok doarbie nait bedrinken. ¹⁸ As men zotezeggen laks mit onderhold is, verzakken de gebinten en krigt men last van lekkerij in hoes. ¹⁹ Eten dut men veur oardeghaid en van n glaas wien wordt men vrolek; veur geld is t ja aal te kriegen. ²⁰ Alderdeegs in joen sloapkoamer mag ie joen keunenk nait verfluiken, net zo min as rieke lu; want kraaien kinnen t oetbrengen.