Nehemia 7

Biedroagen veur tempel

⁶⁹ Gounent van femilie-oldsten deden biedroagen veur t waark. Landvoogd gaf veur t tempelfonds doezend drachmes aan gold, fiefteg ovverschoalen en viefhonderddatteg priesterklaiden. ⁷⁰ Aander femilie-oldsten gavven twinnegdoezend drachmes aan gold veur t baauwfonds en twijentwinneghonderd minen aan zulver. ⁷¹ Aal aandern van t volk gavven as biedroage: twinnegdoezend drachmes aan gold, twijdoezend minen aan zulver en zeuvensesteg priesterklaiden.
⁷² Priesters en Levieten, poortwachters en tempelzangers en ook gounent van t volk gongen noar Jeruzalem te wonen, tempelknechten en aal aandere Israëlieten gongen in heur aigen steden wonen.