Nahum 1

Nahum sprekt Judoa moud in

¹² Dit is wat de Heer tegen zien volk zegt:
Netgeliek hou staark en talriek Assyriërs ook binnen,
ze goan der aan.
t Is doan mit heur!
En aal hou slim Ik joe in t lieden brocht heb, mien volk,
Ik dou t nait weer.
¹³ Denk ter om! Ik breek Ninevé zien juk stokkend
dij ze joe op nek legd hebben,
en kettens doar ie mit vaastbonden binnen moak Ik kepot.
¹⁴ Keunenk van Assyrie,
dit is wat de Heer beschikt het:
Kinder dij dien noam droagen, zellen der nooit meer kommen.
Ik zel dij haile ofgodentroep in dien tempel vernailen.
Van dien graf moak Ik n misbult. ⁷
¹⁵ Volk van Judoa, nou mout je ais kieken!
Wèl komt doar aan over baargen hèn?
n Bosschopper mit bliede tieden: t is aal weer goud!
Goa mor aan t feestvieren!
Geef God ovvers mor dij ie Hom touzegd hebben!
Dit ontuug zel ja nooit meer over joe hèn lopen.
t Is schoon doan mit heur.