Micha 1

God as rechter

² Lustert, ale volken!
eerde en aal wat ter op leeft, acht geven!
God, de HEER, spant n geding tegen joe aan,
de Heer in zien haailege tempel.
³ Doar komt de HEER oet zien woonstee aanzetten
Hai komt omdeel
⁴ Onder zien vouten smelten baargen
as keersvet in t vuur,
doalen splieten
as wotter dat deelbroest van n schuunte.
⁵ En dat allemoal
omdat noazoaten van Judoa zien gebod overtreden hebben
omdat Izrelieten verkeerd deden.
Woar kin ie gewoar worden
dat Joakob wet schonden het?
Is dat nait in Samerioa?
Wèl doun mit aan praktieken op ovverbulten in Judoa?
Binnen dat lu oet Jeruzelem nait?
⁶ Samerioa? n Puunbult moak Ik der van,
n koal stee,
net of ze mit n nije droevetoen begund binnen;
puun van stad smiet Ik in t daal
en fonnementen hoal Ik onderoet.
⁷ Aal zien ofgodsbeelden goan aan braiten
braand gaait in zien tempelgoaven,
aal zien ofgoden sloag Ik in puun.
Van hoereloon binnen ze ja bie nkander brocht,
en hoereloon zellen ze weer worden.