Jozua 5

God stuurt Jozua n helper

¹³ t Gebeurde n moal dou Jozua over Jericho prakkezaaierde, dat hai in ainen n man veur hom stoan zag, mit n sweerd in haand. Jozua ging op hom òf en vruig hom: "Bistoe ain van ons volk of bistoe n vijand?" ¹⁴ "Gainain van baaident!", zee man: "Ik bin generoal van t leger van de Heer en bin bie joe kommen." Jozua ging op knijen veur hom liggen mit kop op grond om hom eer aan te doun en zee: "Ik bin joen knecht heer! Wat heb ie mie te zeggen?" ¹⁵ Man zee: "Dou sandoalen oet! Staaist ja op haailege grond." En dat dee Jozua.