Jozua 19

Jozua krigt ook zien paart en zo is t haile Kanan verdaild

⁴⁹ Dou ze kloar wazzen mit verdailen van t laand gavven ze ook nog n paart aan Jozua in aigendom. ⁵⁰ De Heer haar zegd dat ze hom stad geven mozzen dij hai geern hebben wol, en zo kreeg e Timnat-Serach in t baarglaand van Efraïm. Dou Jozua dij stad weer opbaauwd haar ging e doar wonen.
⁵¹ Zo hebben priester Eleazar en Jozua en laaiders van ale stammen van Izrel t haile laand in Silo verdaild, veur tabbernoakel, veur t oog van de Heer.