Jozua 19

Stam Naftali zien kontraainen

³² Zesde paart was veur ale femilies van stam Naftali. ³³ Heur grens laip van Chelef en aikeboom bie Saänannim over Adami-Nekeb en Jabneël aan Lakkum tou en kwam oet bie Jordoan. ³⁴ Zuudgrens van Naftali begon bie Jordoan en ging den noar t westen noar Aznot bie baarg Tabor, doar vandoan noar t noorden aan stad Chukok tou. Den ging grens noar t westen, bie noordgrens van Zebulon en oostgrens van Aser laans, en kwam bie Judoa weer oet bie Jordoan, dij heur oostgrens was.
³⁵-³⁹ In heur kontraainen lagen ook dizze verstaarkte steden: Siddim, Ser, Chammat, Rakkat, Kinneret, Adama, Rama, Hasor, Kedes, Edreï, En-Chasor, Jiron, Migdal-El, Chorem, Bet-Anat en Bet-Semes. Mit nkander wazzen der negentien steden mit dörpen dij doarbie heurden. Dit wazzen kontraainen van ale femilies van stam Naftali.