Jozua 19

Stam Aser zien kontraainen

²⁴ Viefde paart was veur ale femilies van stam Aser. ²⁵-²⁶ Bie heur laand heurden Chelkat, Chali, Beten, Aksaf, Allamelek, Amad en Misal. Baarg Karmel en revier Sichor-Libnat wazzen heur grens in t westen. ²⁷-²⁸ Den laip grens mit n ombogt noar t oosten noar Bet-Dagon, ruik grens van stam Zebulon en daal van Jiftach-El, noar t noorden tou noar Bet-Haëmek en Neïel en kwam in t noorden oet bie Kabul, Ebron, Rechob, Chammon en Kana, aan Groot-Sidon tou. ²⁹-³¹ Den weer mit n bocht noar Rama tot stoef bie vestingstad Tyrus, weer n bocht noar Chosa en zo kwam e oet bie Middellandse Zee. Ook Mechebel, Akzib, Umma, Afek en Rechob heurden der bie. Mit nkander twijentwinneg steden mit heur dörpen. Dizze haile kontraainen kregen ale femilies van stam Aser mit nkander.