Jozua 19

Stam Zebulon zien kontraainen

¹⁰ Daarde paart was veur ale femilies van stam Zebulon. Heur laand kwam aan stad Sarid tou. ¹¹ Noar t westen tou laip heur grens noar Marala, den tot stoef bie Dabbeset en beek dij aan oostkaant van Jokneam stroomt. ¹² Aan aanderkaant Sarid ging e noar t oosten aan Kislot-Tabor tou, den noar Daberat en omhoog noar Jafia. ¹³ Doar vandoan wieder noar t oosten noar Gat-Hachefer en Et-Kasin. Grens kwam oet bie Rimmon en muik den n bocht noar Nea. ¹⁴ Aan noordkaant boog grens om noar Channaton en kwam den op n duur oet bie daal van Jiftach-El. ¹⁵ Ook Kattat, Nahalal, Simron, Jidala en Betlechem heurden der bie. Mit nkander twaalf steden mit heur dörpen. ¹⁶ Aal dizze steden mit heur dörpen lagen in t laand van stam Zebulon.