Jozua 17

Jozef zien noazoaten willen meer laand hebben

¹⁴ Jozef zien noazoaten zeden tegen Jozua: "Wie binnen mit n hail bult mensken. De Heer het ons aan distied tou ja aaltied zegend. Woarom heb ie ons mor ain paart van t laand touwezen?" ¹⁵ Jozua zee: "Joa wis, ie binnen mit n hail koppel. As ie te min roemte hebben in t baarglaand van Efraïm, den mout ie mor noar t boslaand van Perizzieten en Refaïeten goan. Goat doar bomen reuden, den heb ie roemte." ¹⁶ "Joa mor", zeden ze, "baarglaand allain, doar heb wie nait genogt aan. En aal dij Kananieten dij doar in leegte wonen, in Bet-Sean en steden doar omtou en in vlakte van Jizreël hebben iezern striedwoagens." ¹⁷ Dou zee Jozua tegen lu van Efraïm en Manasse: "Ie binnen mit n hail bult mensken en mit nkander hail wat maans. Mor ie hebben al meer as joen paart: ⁸ want t baarglaand is joenent, of is t doar ook aalmoal bos. Ie huiven bomen mor te reuden en t baauwlaand dat joe dat oplevert is van joe. En wat dij Kananieten aangaait: of hebben ze ook iezern striedwoagens en of binnen ze ook nog zo staark: votjoagen zel ie heur, wis en woarachteg!"