 |
Jozua 14 |
 |
Hou t laand aan westkaant Jordoan verdaild wer
1 Priester Eleazar, Jozua, en kopstukken van Izrel zien femilie hebben t laand aan westkaant van Jordoan verdaild onder aander Izrelieten. Dat ging zo: 2 Zo as de Heer tegen Mozes zegd haar hebben tiendaalf stam der löt wat stok van t laand elk kriegen zol. 3-4 t Laand aan oostkaant Jordoan haar Mozes ja al verdaild onder stammen Ruben en Gad en haalfschaid Manasse. Jozef zien noazoaten werden as twij stammen rekend: Manasse en Efraïm. Mozes haar aan stam Levi gain laand geven, bloots steden doar zai in wonen konden en laand ter omtou as mainschoar. 5 Zo hebben Izrelieten t laand verdaild zo as de Heer dat tegen Mozes zegd haar.
 |
© 2001 Liudgerstichten. All rights reserved. |