Titus 1

Veraaisten veur oldsten

⁵ Mit t oog hierop heb ik die in Kretoa blieven loaten: doe zolst zoaken doar wie nog nait aan tou kommen wazzen in order brengen en in elke stad oldsten aanstellen; en dat noar regels dij ik die oetstokt haar: ⁶ zolst noagoan, of ter op zo ain niks aan te maarken is, of e zok bie ain vraauw holdt, of e geleuvege kinder het, dij gain minne noam hebben om heur lösbandeghaid of dij nait om zeggen geven. ⁷ Der mag ja op n oldste niks aan te maarken wezen: hai mout ja de zoaken van Gód zien hoes regeln. Hai mag nait aigenwies wezen of kört veur de kop; gain klokjebruier of ain dij der vot in haauwt of dij t in zoaken nait zo naauw nemt. ⁸ Nee, hai mout gastvrij wezen, ain dij geern goud dut, zokzulm in haand het, recht deur zee gaait, vroom en moateg is. ⁹ Hai mout zok holden aan betraauwboare regel, dij stemt mit ons leer. Den zel e ook in stoat wezen (aandern) aan te moudegen deur ze in gezonde leer te onderwiezen, en wèl ons bestrieden n weerwoord te geven.