Titus 1

Dwoalleroars

¹⁰ Der binnen ja n bult ongezeggelke lu. Mit proat dat niks om hakken het nemen ze aandern beet. Ze kommen benoam oet jeudse houk. ¹¹ Zukkent mout ie t swiegen opleggen. Haile femilies zetten ze ja op kop deur heur dingen aan te proaten dij gain pas geven. En t is heur der om te doun mensken te roppen. ¹² Ain van heurent -heur aigen perfeet nog wel- het zegd:
Onverbeterlieke leugenputen, dat volk van Kretoa!
Kwoaie baisten!
Aans as vreten doun ze nait! ¹
¹³ Wat heur doar noageven wordt is woar! Moak doarom körte metten mit heur. Meschain dat ze den op t punt van geleuf weer zond worden, ¹⁴ en zok nait laanger keren aan jeudse verhoalen en aan wat of mensken heur opdroagen dij zok van woarhaid ofkeerd hebben. ¹⁵ Alles is zuver veur wèl zuver binnen. Mor veur wèl of onnuur en ongeleuveg binnen is niks zuver. Heur verstand en heur gewaiten binnen baaid onnuur. ¹⁶ Ze zeggen, dat ze God kennen; mor in heur doun en loaten valen ze Hom òf. Mizzelke lu binnen t, dij nait lustern willen; nait geschikt om wat gouds te doun.