Openboaren 1

Opschrift

¹ Openboaren van Jezus Christus.
God het Hom dij geven om aan lu in zien dainst zain te loaten, wat of ter gaauwachteg gebeuren mout.
Christus het weer zien engel stuurd om dat kundeg te moaken aan dij in zien dainst staait: Johannes. ² En dij het dou dij bosschop van God, dat wat Jezus hom deurgaf, weer deurgeven, aal dat e te zain kreeg. ³. Gelukkeg dij dizze perfetische aanzeggens veurleest. En net zo, wèl ze heuren en zok holden aan wat doar in staait. t Is ja sikkom zo wied!