Matteüs    13

¹ Op dij dag ging Jezus tou t hoes oet en ging aan t meer zitten. ² Der kwam zo'n koppel volk om Hom toustoan, dat E in n boot stapte. Doar ging E in zitten en aal t volk bleef op kaant van waal stoan. ³ Hai vertelde heur veul en bruukte doarbie geliekenizzen:
"Der was ais n boer dij ging aan t zaaien. ⁴ Bie t zaaien vuil n gedailte bie t pad laans. Dou kwammen der vogels aan en dij pikten t op. ⁵ n Aander paart kwam in staingrond te laande. Doar lag mor n beetje eer. t Zoad kwam al gaauw op: t lag ja nait daip. ⁶ Mor dou zun opkommen was verschruide en verdreugde t, omreden t haar ja gain worrels zet. ⁷ Weer n aander dail vuil maank stiekels. Dij kwammen tougelieks op en smoorden t zoad. ⁸ Weer n aander dail vuil in goie grond. Dou dat opkommen was smeet t honderd-, sesteg- of dattegmoal zo veul op. ⁹ Wèl oren het, mout ter ook mit lustern!"

© 2000 Liudgerstichten. All rights reserved.