Matteüs 12

Farizeeërs willen n taiken zain

³⁸ "Meester!", zeden gounent van schriftgeleerden en Farizeeërs tegen Hom, "loat ons ais n taiken zain!" ³⁹ Jezus antwoordde heur: "Min goud dat mor aanklongelt en mor vragt om n taiken! Ie zellen gain aander te zain kriegen as perfeet Jona zienent. ⁴⁰ Krekt as Jona drij doagen en drij naachten in t lief van t zeemonster zeten het, krekt zo zel Menskenzeun drij doagen en drij naachten in schoot van eerde zitten. ⁴¹ Lu van Ninevé zellen op dag van t oordail in t èn kommen tougelieks mit dizze generoatsie. Ze zellen heur veroordailen. Zai hebben zok ja bekeerd noa Jona zien bosschop. Kiek! Hier staait ain dij groder is as Jona. ⁴² Keunegin oet t Zuden zel op dag van t oordail oproupen worden tougelieks mit dizze generoatsie en dij veroordailen. Zai is ja kommen van t oetènd van wereld om noar Salomo zien wieshaid te lustern. Nou den! Ain dij groder is as Salomo staait hier!"