Matteüs 11

Jezus zien daankbedens

²⁵ In dij tied zee Jezus: "Ik daank Joe, Voader, Heer van hemel en van eerde, dat Ie dit aan gewone mensken zain loaten hebben wat Ie veur wieze en verstandege lu bezied holden hebben. ²⁶ Joa, Voader, zo wol Ie t ja hebben.
²⁷ Mien Voader het Mie t aal in handen geven. Gainain wait wèl of Zeun is, as allenneg Voader. En gainain wait wèl of Voader is, as allenneg Zeun en dijent dij Zeun dat kundeg moaken wil.
²⁸ Aal dij doeknekt goan onder swoare drok: komt bie Mie! Ik zel joe rust geven. ²⁹ Neemt mien juk op scholders en leert van Mie. Ik bin ja zaachtmoudeg en beschaaiden. Zo zel ie rust vinden veur joen gemoud. ³⁰ t Juk, dat Ik joe opleg, is ja makkelk te rizzen en mien last, dij Ik joe te droagen geef, is ja licht."