Matteüs 1

Jezus Christus zien ofkomst

¹ Dit is t bouk van ofkomst van Jezus Christus, Doavid zien zeun, Oabraham zien zeun:
² Oabraham was Isaak zien voader, Isaak Joakob zienent, Joakob Judoa en zien bruiers zienent. ³ Judoa was Peres en Zerach heur voader; Tamar was heur moeke. Peres was Chesron zien voader, Chesron Aram zienent, ⁴ Aram Amminádab zienent, Amminádab Nachson zienent en Nachson Salmon zienent. ⁵ Salmon was Boäz zien voader; Rachab was zien moeke. Boäz was Obed zien voader; Ruth was zien moeke. Obed was Isaï zien voader ⁶ en Isaï was Doavid zien voader.
Doavid was Salomo zien voader; zien moeke was Uria zien vraauw. ⁷ Salomo was Rechabeam zien voader, Rechabeam Abia zienent, Abia Asa zienent, ⁸ en Asa Josafat zienent. Josafat was Joram zien voader, Joram Uzzia zienent, ⁹ Uzzia Jotam zienent, Jotam Achaz zienent en Achaz Hizkia zienent. Hizkia was Manasse zien voader, Manasse Amon zienent, Amon Josia zienent, ¹¹ en Josia Jechónja en zien bruiers zienent, dou zai in Babylonie verbannen wazzen.
¹² Noa ballingschop in Babylonie was Jechónja Sealtiël zien voader, Sealtiël Zerubbabel zienent, ¹³ Zerubbabel Abihud zienent en Abihud Eljakim zienent. Eljakim was Azor zien voader, ¹⁴ Azor Sadok zienent, Sadok Achim zienent en Achim Eliud zienent. ¹⁵ Eliud was Eleazar zien voader, Eleazar Mattan zienent, Mattan Joakob zienent, ¹⁶ en Joakob Jozef zienent. Jozef was man van Maria, dij moeke wer van Jezus, dij Christus nuimd wordt.
¹⁷ Alles bie nkander binnen dat ter van Oabraham tot Doavid aan tou vattien generoatsies,
van Doavid tot ballingschop in Babylonie aan tou vattien generoatsies
en van ballingschop in Babylonie tot Christus aan tou vattien generoatsies.