Maarcus 8

Petrus zien beliedenis

²⁷ Jezus en zien leerlingen trokken noar dörpen bie Caeseréoa Filippi. Onderwegens vruig E heur: "Veur wèl holden lu Mie ainlieks?" ²⁸ "Gounent zeggen van Johannes de Deuper", zeden ze, "Aandern Elioa en nog weer aandern: ain van perfeten." ²⁹ "En ie, woarveur hol ié Mie?" Petrus gaf t antwoord: "Ie binnen de Christus." ³⁰ Hai woarschaauwde heur doar nait over te proaten. Mit gainain!