Maarcus 8

Blinde man beder moakt

²² Ze kwammen in Betsáïda. Doar brochten lu n blinde man bie Hom en vruigen of Hai hom aankommen wol. ²³ Jezus kreeg blinde man bie haand en brochde hom boeten dörp. Hai spijde Hom op ogen en legde hom handen op. "Zigst al wat?", vruig E. ²⁴ Blinde man keek omhoog en zee: "Ik zai mensken! As bomen zai k ze lopen!" ²⁵ Dou legde Hai nog ais handen op zien ogen. Man dee ogen wied open en kon alles weer dudelk zain. ²⁶ Jezus stuurde hom noar hoes tou en zee der bie: "t Loug nait in goan!"