Maarcus 4

Störm op t meer

³⁵ Dou dij dag op n ènd laip, zee Hai tegen heur: "Loat we noar overkaant tou voaren!" ³⁶ Zai luiten t volk doar achter en nammen Hom mit in boot, doar E al in zat. Der wazzen ook nog aander boten bie. ³⁷ En begunde t mie doar nait aldergloependst te störmen! Golven sluigen over haile boot hèn en t schip laip al vol. ³⁸ Jezus lag op t achterèn te sloapen - kop in kuzzen. Ze muiken Hom wakker en zeden: "Meester! Wie verzoepen! Kin Joe dat niks schelen?" ³⁹ Hai kwam in t èn, toalde wind stief tou en zee tegen t meer: "Stil! Rusteg n beetje!" En verdold, wind ging liggen en t wer bladstil! ⁴⁰ "Woarom bin ie zo benaauwd?", vruig E heur. "Heb ie nou vertraauw of nait?" ⁴¹ Zai werden schietensbenaauwd en zeden tegen nkander: "Wat is dat toch veur ain? Alderdeegs wind en wotter lustern ja noar Hom!"