Maarcus 3

Jezus bie t meer van Galileoa

⁷ Jezus week mit zien leerlingen oet noar t meer van Galileoa. n Haile koppel volk ging achter Hom aan. Ze kwammen tou Galileoa oet, van Judeoa vandoan, ⁸ oet Jeruzelem, Idumeoa, van aander kaant Jordoan, en oet kontrainen van Tyrus en Sidon. Ze kwammen in grode koppels op Hom ofzetten: ze haren ja heurd wat of E altmoal oetrichtte. ⁹ Jezus zee tegen zien leerlingen dat ze n bootje veur Hom bie de haand holden mozzen vanwege aal dat volk: aans kon E wel ais in knuur kommen. ¹⁰ Hai muik ja zo'n bult mensken beder, dat ale lu dij wat onder leden haren Hom over t mad kwammen om Hom aan te kommen. ¹¹ Alderdeegs onnure gaisten vuilen veur Hom op knijen as ze Hom in t oog kregen en raipen: "Ie binnen God zien Zeun!" ¹² Ieder bòt verbood Hai heur dat ze zeden wèl of E was.