Maarcus 3

Jezus keurt zien twaalf apostels oet

¹³ Hai ging bie baarg omhoog en raip bie zok wèl of E wol. Zai kwammen bie Hom. ¹⁴ Hai stelde der twaalf aan. Dij mozzen bie Hom blieven. "Ik zel joe der op oetsturen", zee E, "om bliede bosschop te verkundegen, ¹⁵ mit macht om onnure gaisten oet te drieven." ¹⁶ Hai stelde dizze twaalf aan: Simon, dij E bienoam Petrus gaf, ¹⁷ Zebedeüs zien zeun Jakobus en dij zien bruier Johannes. Dij gaf E bienoam Boänerges, dat betaikent zoveul as "Dunderkerels". ¹⁸ Wieder nog: Andreas en Filippus, Bartoloméüs en Matteüs, Tomas, Jakobus (Alféüs zien zeun), Taddéüs, Simon de Verzetsman, ¹⁹ en Judas Iskariot, man dij Hom overleverd het.