Maarcus 14

Petrus zegt, dat e Jezus nait kent

⁶⁶ Petrus zat in tied beneden op binnenploats. Doar kwam ain van hogepriester zien maaiden op hom òf. ⁶⁷ Dou ze Petrus zag, dij zok zat te waarmen, keek ze hom ais goud aan en zee: "Doe wast ook bie dij man oet Nazeret, bie dij Jezus!" ⁶⁸ Mor hai beweerde van nait: "Ik wait nait woar ofstoe t over hest!", zee e. Dou ging e noar boeten tou, noar t poorthoes. ⁶⁹ Dou maaid hom zag, begunde ze der vannijs tegen omstanders over: "Dij heurt ter ook bie!" ⁷⁰ Weer zee e van nait. n Zetje loater zeden omstanders tegen Petrus: "Joa wis, doe heurst ter ook bie! Komst ja oet Galileoa!" ⁷¹ Dou begunde hai te fluiken en te bandiezen en beswoor heur: "Ik ken dij man écht nait, doar ie t over hebben!" ⁷² En mit dat e dat zee, kraaide hoan veur twijde moal. Dou kwam Petrus in t zin, wat of Jezus tegen Hom zegd haar: "Nog veur hoan twijmoal kraaid het, zelstoe drijmoal ontstreden hebben dastoe Mie kenst." En hai begunde allernoast te reren.