Maarcus 14

Jezus en Petrus

²⁷ Jezus zee tegen heur: "Ie zellen joe altmoal aan Mie aargern. Der staait ja schreven: 'Schaiper zel ik sloagen en schoapen zellen oet nkander jagd worden.' ²⁵ ²⁸ Mor wanneer Ik opstoan bin, zel Ik joe veuroet goan noar Galileoa tou." ²⁹ "t Kin wezen", zee Petrus, "dat ze zok altmoal aan Joe aargern, mor ik nait!" ³⁰ "Joa wis, Petrus", antwoordde Jezus, "vannaacht nog, veur dat hoan twijmoal kraaid het, zelstoe drijmoal ontstreden hebben dastoe Mie kenst." ³¹ Mor Petrus huil mor vol: "Al mos ik ook mit Joe staarven, nooit zel ik ontstrieden dat ik Joe ken." Ale aandern pruiten net zo.