Maarcus 10

Bartimeüs beder moakt

⁴⁶ Ze kwammen in Jericho. Dou Hai mit zien leerlingen weer tou stad oet ging, mit n haile koppel volk achter heur aan - wat gebeurde der dou? Dou zat ter n blinde man aan kaant van weg te bedeln! Bartimeüs was de noam, Timeüs zien zeun was e. ⁴⁷ Dou e heurde dat t Jezus oet Nazeret was, begunde hai te bèlken: "Jezus, Zeun van Doavid, heb toch meedlieden mit mie!" ⁴⁸ t Volk graauwde hom tou: "Hol die toch stil!" Mor hai bèlkte nog haarder: "Zeun van Doavid, heb toch meedlieden mit mie!" ⁴⁹ Jezus bleef stoan en zee: "Roup hom hier op aan!" Mensken zeden tegen blinde: "Loat moudveren nait hangen! Tou, in t èn: Hai ropt die!" ⁵⁰ Man schoot zien jak oet, sprong in t èn en ging noar Jezus tou.
⁵¹ "Wat wil ie, dat Ik veur joe dou?", vruig Jezus. "Rabbi, weer zain kinnen!", antwoordde blinde man. ⁵² "Goud!', zee Jezus, "joen vertraauw het joe red!" En joawel hur: op slag kon e weer zain! En Hai ging mit Hom wieder.