Maarcus 1

Eerste leerlingen

¹⁶ Dou E bie t Meer van Galileoa laans laip, zag E Simon en dij zien bruier Andreas. Ze wazzen heur netten aan t oetgooien op t meer. t Wazzen ja viskerlu. ¹⁷ "Komt achter Mie heer!", zee Jezus tegen heur. "Ik zel van joe menskenviskers moaken!" ¹⁸ Op slag luiten ze heur netten liggen en gingen achter Hom aan.
¹⁹ n Èndje wieder zag E Jakobus en zien bruier Johannes, Zebedeüs zien jonges. Dij wazzen dounde heur netten noa te kieken in boot. ²⁰ Votdoalek raip E heur. Zai luiten heur voader Zebedeüs mit zien loonarbaiders in boot achter en gingen mit Hom wieder.