Judas 1

Woarschaauwen veur leesders

¹⁷ Vergeet nait, laive mensken, wat apostels van ons Heer Jezus Christus veurzegd hebben. ¹⁸ Ze zeden ja tegen joe: "In t leste van tied zellen der spotters kommen, dij leven zunder god of gebod." 18 Zukse lu brengen twijspaalk teweeg. Ze leven as baisten, en de Gaist hebben ze nait! ²⁰ Mor, laive mensken, baauwt ie joen levent op t alderhaailegst geleuf en loat joe bie joen beden laaiden deur Hillege Gaist. ²¹ Blieft bie God zien laifde en rekent op Jezus Christus zien goudens. Hai brengt joe in t aiwege levent.
²² Hebt ook omdenken mit heur, dij nog heur twievels hebben. ²³ Redt ze tou t vuur oet. Mit aander lu mout ie ook wel mitleven, mor weest veurzichteg! Heur klaaier binnen alderdeegs soeterg van zunde!