Jakobus 5

Beden

¹³ Is ain van joe der min aan tou, loat e den beden. Is ain goud te pas, loat e n loflaid zingen. ¹⁴ Is ter ain zaik bie joe, loat e den oldsten van gemainte roupen, dat dij over hom n gebed oetspreken en hom mit eulie zaalven in de Heer zien noam. ¹⁵ En t beden, dat in t geleuf doan wordt, zel zaike redden. En de Heer zel hom in t èn helpen. As e zunden doan het, zel hom t vergeven worden. ¹⁶ Beliedt doarom nkander joen zunden. En beedt veur nkander, dat ie bederschop vinden maggen. t Beden van rechtveerdege kin n bult oetwaarken as t mit ainmoud gebeurt. ¹⁷ Elioa was net zo'n mensk as wie, dij net zo vuilde as wie ook. Hai beedde mit aandrang dat t nait regen zol, en t regende nait op t laand drij joar en zes moand laank. ¹⁸ Hai beedde nog n moal, dou gaf hemel regen en t laand brochde zien vrucht op.
¹⁹ Mien bruiers en zusters! As ain van joe van woarhaid ofdwoalt, en n aander brengt hom weer op t goie pad, ²⁰ wait den: dij n zundoar van zien biesterboan weerom brengt, dij zel zien levent van dood redden, en n hail bult zunden bedekken. ⁷