Jakobus    5

¹ Nou den, ie rieke lu! Roupt en reert over swoare tieden dij ie in muit goan. ² Joen riekdom is meur. Mot het joen klaaier vervreten. ³ Joen gold en zulver is verroust. En roust ter van zel joe aankloagen en joe wegvreten as vuur. Ie hebben schatten opbultjed, en dat nou we leste doagen beleven. ⁴ Heurt: t loon dat ie aarbaiders, dij joen laand maaid haren, ontholden hebben, schraait. En t geroup van heur, dij joen vruchten inhoald hebben, het Heer Zebaoth ⁵ wel heurd! ⁵ Ie hebben in weelde leefd op wereld, joa, in overdoad! Ie hebben joezulm vetmest in slachttied. ^{6 6} Ie hebben rechtveerdege veroordaild, joa, vermoord! Zol dat nait (as aanklacht) tegen joe inbrocht worden?

© 2001 Liudgerstichten. All rights reserved.