Jakobus 4

Nait snakken

¹³ Nou den, ie dij zeggen: "Vandoag of mörgen goan we noar dij en dij stad tou. Doar blief we n joar. Doar doun we zoaken en moak we geld". ¹⁴ Mor ie waiten ja nog gain dag in t veuren hou of joen levent ter oet zain zel. Joen levent is net n dook, dij eefkes opkomt en den weer verswint. ¹⁵ In stee van te zeggen: "As de Heer wil, zel we leven, en zel we dit of dat doun". ¹⁶ Nou snaar ie der mor op lös. Aal dij snakkerij is verkeerd. ¹⁷ As ain wait, hou of e goud doun mout en t nait dut, dij bezundegt zok.