Jakobus 3

Wieshaid, dij van God komt

¹³ Wèl is ter maank joe wies en verstandeg? Dij mout deur zien aigen goie gedrag zain loaten, woar of wieshaid hom in ale zaachtzedeghaid tou in stoat stelt. ¹⁴ Mor as ie in joen haart hail slim ofgunsteg binnen en op aigen veurdail oet, den mout ie nait zo n groot woord hebben. Doar doun ie woarhaid ja geweld mit aan. ¹⁵ Zukse wieshaid komt nait van boven heer, mor van dizze wereld. Ongeestelk is e, soatanswaark. ¹⁶ Woar of hoat en nied boas binnen, doar heb ie disorder en allerhande minderweerdege praktieken. ¹⁷ Wieshaid van boven is in eerste ploats zuver. Mor ook vreedsoam, vrundelk en inschikkelk, baarmhaarteg, riek aan goie vruchten, onpertiedeg en oprecht. ¹⁸ Wil ie gerechteghaid winnen, den mout ie zaaien op n akker van vree. Dij zaaien willen, mouten vree stichten..