Jakobus 1

Aanvechtens en verlaaidens

¹² Gelukkeg is ain, dij in t èn blift as e aanvochten wordt. As e dat deurstoan het, krigt e t levent as kraans. Dij het God heur beloofd, dij van Hom holden.
¹³ Gainain mout zeggen as e verlaaid wordt: "Dat komt van God". God let zok ja nait tou verkeerde dingen verlaaiden, en zulm verlaaidt E ook gainent. ¹⁴ Mor zo voak as ain in verlaaiden komt, den komt dat aaltied van t lokken en t trekken van zien aigen begeertes vandoan. ¹⁵ Den wordt begeerte bevrucht en boart zunde. As zunde oetwozzen is, boart dij dood.
¹⁶ Beste lu, loat joe niks wies moaken. ¹⁷ Enkeld goie giften en enkeld geve goaven kommen van boven, van Voader van hemellichten. Hai veraandert nait van boan en hai wordt nait verduusterd. ¹⁸ Oet vrije wil het Hai ons t levent geven deurdat Hai ons woarhaid verkundegen luit. Wie zollen zo t rekent eersten wezen van aal wat of Hai schoapen het.