Hebreeërs 2

Traauw aan bosschop

¹ Doarom mout we zoveulstemeer aandacht besteden aan wat of we heurd hebben. Aans roak we tou koers oet. ² Wat engels zegd hebben haar zo'n gewicht, dat elkenain dij der zok niks aan gelegen luit en der nait noar lustern dee, zien verdainde straf kreeg. ³ Hou zel wie der den aan ontkommen, as wie der gain reken mit holden wat redden kost het. t Begunde der mit, dat de Heer dij bosschop verkundegde. Dij heb wie dou mitkregen van lu, dij t heurd haren. ⁴ Doar komt nog bie, dat God der ook kracht aan biezet deur taikens en wonders en allerhand machtege doaden. Dij het E deur Hillege Gaist oetdailen loaten, krekt zo as Hai dat wol.