Hebreeërs 1

Begun

¹ Eertieds het God k-wait-nait-hou-voak en op k-wait-nait-houveul menaaiers tou ons veurolden sproken deur perfeten. ² Mor nou, in t lest van doagen, het E tou óns sproken deur zien Zeun. Dij het E aansteld as aarfgenoam van alles. Deur Hom het E haile wereld ook moakt. ³ Dizze Zeun is weerschien van God zien heerlekhaid en ofdrok van wat E is. Deur zien machteg woord holdt Hai t aal in t èn. Hai het t menskdom hemmeld van zien zunden en dou is E zitten goan aan rechterhaand van Alderhoogste in hemel.