Geloaten 6

Wat of ie veur de Gaist doun, krieg ie ainmoal weerom

⁶ Wèl of zok onderrichten let, mout zien meester dailen loaten in aal dat e het aan geld en goud. ³⁴
⁷ Verkiekt joe der nait op: God let zok nait veur de gek holden. Wat of n mensk zaait, zel e ja ook winnen. ⁸ Wèl of zaait op t laand van zien olde noatuur, zel doar verdaarf van winnen. Wèl of zaait op t laand van de Gaist, zel doar t aiweg levent van winnen. ⁹ Goud doun, dat mout we nooit opgeven! As tied ter heer is, zel we vruchten der ja van plukken. Mor den mout we t nait zitten loaten! ¹⁰ Loat we dus, zo laank as we gelegenhaid nog hebben, der aan waarken, dat ale mensken t goud hebben; veuraal dijent dij bie geleufsfemilie heuren.